تعيش فئران الوطن

 

11

قام مواطن سوري بشراء كيس شيبس لإبنه يحمل بطاقة بيانه بطاطا طبيعية 100% والوزن 75غرام إنتاج 9/4/2010 وبسعر 25 ليرة إلا انه تفاجأ بوجود فأر مقلي ضمن الكيس.‏

وقد تقدم المواطن بشكوى إلى مديرية التجارة الداخلية بريف دمشق التي استدلت على المعمل المنتج من خلال سجلاته على الكيس ويحمل اسم "أ – ش" في عدرا الطريق العام. ولأن المخالفة ثابتة تم تنظيم ضبط بالمخالفة لوجود أجسام غريبة "فأر" في كيس مقبلات غذائية بموجب قانون قمع الغش والتدليس وحماية المستهلك وإحالته على القضاء المختص وإغلاق المعمل مدة أسبوعين.‏

الى حماية المستهلك : ياقاسين … يا أشرار

الى الأب وابنه : انكسر باسكن يعني اذا طلعتلكم فارة .. كلها فارة وديعة بريئة مفيدة للصحة .. بعدين هي انحطت عن قصد بكيس الشيبس ليغير الولد طعمة تمو

ونقلا عن مصدر مابحطوا بذمتي الفئران تحوي العديد من الفيتامينات المفيدة ببناء "التمسحة" في عظام الأطفال

المــصــدر


ملاحظة : بعد ادراجي للتدوينة تذكرت “فئران” الوطن المعجعجين .. المعتادين على أكل لقمة المواطن ..
ماذا لو سقطوا في الزيت وانقلوا ؟
نفضت رأسي بقوة .. وتعوذت بالله من الشيطان

الى فئران الوطن الأصليين :أدامكم الله قرضا بالوطن

Advertisements

24 thoughts on “تعيش فئران الوطن

  1. فيها وجهة نظر .. شعبنا ناقصو تمسحة لأنووووو 😦

    بصراحة تنتحر الكلمات في التعبير ..

    بيعين الله 😦

  2. ليش ما عرضوا اسم المنتج ؟؟
    توقيف المعمل اسبوعين
    وبعدين بيغير خط الانتاج من قلي الفيران لقلي الحشرات

    1. شو يعرضوا اسمو للمنتج ؟ حابة المنتج يخسر ؟؟
      لك بالناقص من كل المواطنين بس صناعاتنا الوطنية ماتضرر

      ياستي ياريتو قالي شي صرصور كانت مرقت عالطفل بس فارة ؟ لك فارة برجلين وديل وطحابيش
      والله تقيلة مابتمرق

  3. عبسي شبو…..من زاعجووووووووووووو
    هلئ جد انتو متدايقين انو طلعتلو فارة عادي
    يعني كب الكيس واشتري غيروو لا تهولوها اعلاميا
    لما اكلنا لحم جحاش من زمان نفس الضوجة عملتووووووووو

    تحياتي لينا

    1. لا تواخذنا نحنا شعب نقاق ومابيعجبني العجب ولا الصيام برجب

      انا بقترح ترفع قضية عالصبي وابوه
      اهلا طبوش

  4. وفي رواية اخرى ، وجد مواطن من حماة ذيل فأر في رغيف الخبز .. فشكر ربه لان الحكومة توزع لحم بعجين للشعب وتأخذ ثمن العجين ولا تأخذ ثمن اللحم !

    1. حتى بهي عم يغشوا ؟
      يعني ماعطوه لهالمواطن عجين بفارة كاملة لا بديلها
      يلا يقول الحمد لله صحتلو لهالمواطن ديل

  5. الظلم حرام يا دعدوشة …. فبحسب وكالة الأنباء ( فار ان ان ) بأن الذيل لا يخص فأر … كون الفئران لا تأكل المنتجات السورية المعلبة بعد ملاحظتها كثرة ( الأجنة ) المشوهة في الآوانة الأخيرة … تكتفي بالأقماح و الأجبان المخزنة في البيوت القديمة … و حسب نفس المصدر بأن الذيل يخص ( جرذ مجاريري – على وزن شوارعي ) في مقتبل العمر … ظل ( ريكار ) أهله و سقط في وعاء طبخ لأحد المعامل …. و الذي لا يختلف من طبيعة المجرور الرئيسي …. كثيراً

    تحية كبيرة

    1. ياحوينة شبابو هالجردون المجاريري .. انا بقترح على اهلو يرفعوا قضية واكيد اكيد حيكبوها
      تحية يارايئ 🙂

  6. ما بعرف وين المشكلة وخاصة اذا عرفنا أنو أهم الأمور المعروضة على الطرقات للسياح في مالاوي هي فيران مشوية ع السيخ وهي أهم وأشهى وجبة محلية هناك.
    يلا اعذريني أنا رايح راجع

    1. يمكن الفرق كنان انو بالمالاوي في صحن كتشب وميونير جنب الفارة المشوية بس عنا الفارة المقلية مقدمينها سادة .. يمكن هادا الي ضرب سعرها عنا

      انا رجعت ورحت .. تحية يالزيز

      1. لأ مالاوي دولة فقيرة واللي عم يبيعوا فيران مشوية عم يبيعوها سادة هيك ع نشاف يعني بالعكس تماما عنا الوضع أفضل على الأقل معها بطاطا واللي مشتري كيس بطاطا بـ 25 ليرة أكيد مشتري معها كولا بالمازوت اللي بيسموه غازات وصحتين

      2. هلا تشرب مازوت مبلوعة بس تاكل بطاطا وفارة مشوية هيك عالناشف من غير كتشب ومنونيز .. مابنقدر نحنا شعب مرفه بتعرف انت

  7. لا اطلعي من هالابواب باللهي فااااااااااااااااااااااارة !!!!!
    قلتيلي اسم المنتج الف شين ممممممم عرفته ومن خلال مدونتك رح شهر فيه ..
    يا ستي اسم المنتج (××××××××××××××××××××××××)
    ملاحظة : حذف لحماية سمعة الصناعة الوطنية !!

    1. دخيل هالصناعة الوطنية .. بيعطوا الشعب الزبالة وبيصدروا نخب الاول لبرا
      بدهم حجاب منشان ماينصابوا بالعين

      تحياتي استاذ غالب

  8. إغلاق أسبوعيـن كامليـن !! خربوا بـيت المعـمل المسكيـن لمجرد وجود فأرة !
    لأ ويا ريت فارة نيـّة .. الشباب معذبـين حالهم و مقدمينها مقلية كمان

    المفروض الأب وابنه يتحاكموا بتهمة الشكوى الكيدية ، فوق ما المساكيـن المعمـل عم يوفروا لحمة ببطاطا للشعب وبس بـ 25 ليرة !!

    تحياتي

    1. ياسيدي يافراس هدا الاب وابنو بدي حطهم بذمتي انهم متآمرين ع صناعات الوطن
      لازم يحبسوا الابن ويودوا الاب عالاحداث .. مافي حل احسن من هيك لشعب اكال نكار

      كوشة ياسمين عالصبح

  9. السلام عليكم ورحمة الله وبركاته
    تحية طيبة وبعد ..

    في البداية .. أحب أشكر القائمين على هذا المدونة
    وعلى الطروحات القيمة

    أما أما بخصوص مايدور حول خفايا الاطعمه
    والمطابخ التي تعد تلك الاطعمة
    انا قللت من أكل الكفتيريات وكذالك المطاعم
    من كثر ماشوف من قلة النظافه
    حتى وصل الامر الى ان تجد فأر مقلي داخل كيس البطاطس
    لا الظاهر مايبون ناكل حاجه بالمره .. مالنا الى الخضره

    والله يحفظكم ويرعاكم ,,,,

    1. اهلا احمد
      اول شي القائمين بالحارة هون مافي غيري القائمين والسكان .. فبتالي الشكر الي .. وانا بقلك عفوا

      اما عن الكافتيريات والمطاعم .. فالقاعدة عندي بتقول “اذا فيك تطبخ الاكلة بالبيت ليش لتاكلها من برا ؟ ” اقلو بتعرف شو حاطط
      حتى الخضرا هلا ماعاد تعرف شو عم ينحط فيها

      ماالك الا نزر بايدنا وناكل .. اهلا بوجودك

  10. ماذا لو سقطوا في الزيت وانقلوا ؟
    يا دعدوشه وهل من الممكن ان تقلى فئران الوطن

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s